بقلم / منال راتب
ارحمنا يا عم تى في
برامج برامج برامج
تعبنا من البرامج
ولامتي انا هفضل ساكت
وجعت راسنا البرامج
** ده يقولك اصلي ظريف
واتبرع ولو برغيف
ولاني قلبي ضعيف
بصدق كدبه اوام
ارحمني يا عم ارحمني
اتبرع انت وفرجني
متبقاش بياع كلام
بلاها القناة دية
واشوفلي حاجة تانية
** وده عامل نفسه رذين
والكل راسه في الطين
وعيونه تقول صدقني
الكدب عمره ما زارني
طب يا سيدنا بتشتم لية
وودنا زنبها اية
دة لسانك حبل غسيل
وبتنشر لده ودي
وبلاها القناة دية
الحلو جاي يا عنيا
** وده هادي وطبعه جميل
اللي يعارضه ابن ستين
يتغير فجأه اوام
وملحقش اشد اللجام
وانا قاعد ايدي علي خدي
لو ينفع ادخل اهدي
لا يا سيدي خلاص بطلنا
وبلاها القناه ديه
وبسرعة اغير تاني
الاقيني تعبت من تاني
** ده يقولك حل اوام
واكيد انت الكسبان
اتصل بسرعة اوام
والاكتر اكيد كسبان
ارحمني يا عم ارحمني
رصيد مفيش صدقني
خلصته علي ام حنان
وبلاها من دي كمان
وبلاها برامج خالص
وجعت راسنا وبناقص
** يجري اية لو مرة واحدة
برامجنا دي تبقي هادفة
كفايانا يا ناس تشوية
اخلاقنا لية في الحضيض
الرحمه يا عم تي في
